الحسانى
مرحبا بكم فى منتديات الحسانى ونتمنى لكم قضاء اسعد الاوقات والافادة والاستفادة


ملتقى الاحبة http://hassany.egyptfree.ne
 
الرئيسيةالبوابةس .و .جالتسجيلدخول
مرحبا بكم فى منتديات الحسانى وكل عام وانتم بخير عوض الحسانى
مطلوب مشرفين ومشرفات لجميع اقسام المنتدى وعلى من يرغب فى ذلك ترك رسالة فى قسم الطلبات الخاصة وشكر ا لحسن تعاونكم

كل عام وحضراتكم بخيربمناسبة عيد الفطر المبارك اعاده الله علينا وعليكم وعلى الامة الاسلامية بالخيرواليمن والبركات مع تحيات الادارة
<br />كل سنة ومص كلها بخير وامن وامان بمناسبة العام الجديد 2017

شاطر | 
 

 طريقة عمل الكرواسون فى البيت

اذهب الى الأسفل 
كاتب الموضوعرسالة
عوض الحسانى
المدير عام
المدير عام
avatar

عدد المساهمات : 195
تاريخ التسجيل : 31/12/2012
العمر : 53

مُساهمةموضوع: طريقة عمل الكرواسون فى البيت    الإثنين يناير 07, 2013 5:16 am


طريقة عمل الكرواسون فى البيت خطوة خطوة
لكل أصدقاءنا اللي طلبوا طريقة عمل الكرواسون في البيت، النهارده هنشوف إزاي نعمله بمنتهى السهولة علشان تقدّمي لأطفالك كرواسون أحلى من اللي بتشتريه من بره، وتكوني ضامنة إنه صحي ومفيد..

كرواسون محشي بالجبنة والشيكولاتة
المقادير:
4 كوب دقيق (بس اعملي حسابك في كمية دقيق أكبر لفرد العجينة بالنشّابة)
1 و¼ كوب زبدة طرية مقطّعة مكعبات
ملعقة كبيرة خميرة جافة فورية
ملعقة صغيرة ملح
¼ كوب سكر
½ كوب ميه
½ كوب لبن

للحشو والتلميع:
شيكولاتة خام مقطّعة مكعبات أو أي نوع شيكولاتة تحبّيه
بيضة + ½ كوب لبن لدَهن الكرواسون
جبنة رومي أو شيدر

الطريقة:
1- في طبق غويط اخلطي الدقيق مع الملح والسكر والميه والخميرة، واعجنيهم مع بعض بإيدك لمدة 15 دقيقة تقريبا لغاية ما العجينة تبقى طرية ولينة في إيدك وفيها مرونة، وبعد كده افرديها على شكل مستطيل، وشيليها في صينية في الثلاجة طول الليل علشان تتخمّر كويس.

2- هاتي مكعبات الزبدة وادمجيها مع بعضها بالنشّابة، وافرديها كويس بحيث يبقى سمكها رفيع وتعمل شكل مربع، وغلّفيها في ورق الزبدة وشيليها في الثلاجة شوية علشان تبقى متماسكة بس راعي إنها تفضل طرية.

3- طلّعي العجينة من التلاجة بعد ما سيبتيها طول الليل، وحطّيها على أي سطح مستوي عندك في المطبخ بعد ما ترشّيه بشوية دقيق، وافردي عليه العجينة بالنشّابة، واعمليها على شكل مستطيل يكون أكبر من طول وعرض قطعة الزبدة اللي عملتيها.

4- حطّي الزبدة في منتصف العجينة، واقفلي عليها العجينة من كل الأطراف، وبعد كده رشي كمية تانية من الدقيق، وافردي العجينة مرة تانية بالنشابة على شكل متسطيل.

5- بعد كده، طبّقي العجين 3 طبقات فوق بعضه، وافرديه بالنشّابة مرة تانية على شكل مستطيل، بعد ما ترشّي طبقة خفيفة من الدقيق مرة تانية.

6- كرّري نفس الطريقة مرتين، وفي المرة الأخيرة افردي العجينة على شكل مستطيل كبير، وابدئي في تقطيعه من المنتصف إلى مستطيلين بالطول.

7- المستطيل الأول قطّعيه على شكل مثلثات زي اللي بتعمليها مع البيتزا، والمثلث التاني قطّعيه على شكل مستطيلات صغيرة.

8- هاتي قطع العجين اللي على شكل مثلثات، ومطّيها شوية بإيدك علشان تبقى أطول، واحشيها من عند القاعدة العريضة بقطعة جبنة صغيرة، وابدئي ابرميها إلى الأمام علشان تديكي شكل الكرواسون الملفوف، وبعد كده اتنيه من عند الجوانب الرفيعة.

9- أما قطع العجين اللي على شكل مستطيلات، احشيها بقطع الشيكولاتة الصغيرة، واقفلي العجينة عليها من كل الجوانب.

10- رصّي الكرواسون المحشي بالجبنة في صينية والكرواسون المحشي بالشيكولاتة في صينية تانية، وبعد كده غطّي الصواني دي بقطعة قماش نضيفة أو سيلوفان، وسيبيها على جنب لمدة ساعتين أو تلاتة؛ علشان تتخمّر وحجم العجينة يتضاعف.

11- بعد كده ادهني قطع الكرواسون بخليط مكوّن من نصف كوب لبن وبيضة، بس راعي إنك تعملي الخطوة دي بالراحة من غير ما تضغطي على العجينة علشان ما تتفردش وتخرّجي الهوا من جواها.

12- بعد كده دخّلي الصواني في فرن ساخن على درجة حرارة 200 لمدة 10 دقايق أو لغاية ما وش الكرواسون يبقى لونه دهبي، وبعد كده طلّعيه.. وبالهنا والشفا.
[ندعوك للتسجيل في المنتدى أو التعريف بنفسك لمعاينة هذا الرابط]

مع تحيات

==============================
المدير العام
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
طريقة عمل الكرواسون فى البيت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحسانى :: المرأة :: الحلويات والاطباق الفرعية-
انتقل الى: