طريقة عمل محشى ورق السلق اللبنانى

دي اكله لبنانيه معروفه اوي في لبنان... ولذيذه..

مقادير حله متوسطه :
4 كيلو سلق ورق كبير ( عشان يسهل حشوه)
ينظف جيدا ويرص فوق بعضه زي الورق
نسخن حله ميه ونزل فيها الورق بالترتيب بتاعه من غير مانثنيه في مغرفه مفتوحه لاقل من دقيقه عشان مايتهريش
وبعدين نصفيه بمصفاة (اهم حاجه مانبوظش ترتيبه عشان لما بيطرا لو حاولنا نفتحه تاني بيتهري)
نقطع الورقه لقطعتين من العرق التخين اللي في المنتصف ونشيله مع الجذور (ومانرميهاش لان ليها وصفه تانيه سهله جدا وشهيه زي البابا غنوج بالظبط ).
ولو الورقه صغيره شويه نبقى نضرب العرق ده لحد مايبقى طري ويتلف بسهوله .
مقادير الحشو:
3 اكواب رز مصري مغسول ومصفى
حزمة بقدونس - مفروم
ربع حزمه نعناع - مفروم
5 حبات طماطم - مفرومه ناعم
2 راس بصل ناشف او اخضر - مفروم ناعم
عصير لمون حسب الرغبه ( ممكن 2 او 3 حبات متوسطين)
زيت زيتون
ملح - فلفل
ثوم - اختياري
لحمه مفرومه - اختياري ( انا شخصيا ماحبهاش)
نرش الحله الي حانسوي فيها المحشي ب شويه زيت زيتون ونحط عليها ترانشات طماطم وفوقيها ترانشات بطاطس ( بتديها طعم حلو جدا وهي بتشرب اي ميه زايده في الحله )
نفرد الورق ونحشيه وممكن لو لقيناه بقى طري نحط ورقتين فوق بعض عشان مايفتحش بالحله
نرص كل كام ورقه مع بعض ونرصه من غير مانسيب فراغات عشان مايفتحش لحد مايكمل الدائرة ونقفلها صح ولما نخلص كل الحشو نرص عليه طبق تقيل شويه عشان مايفتحش برضو
مش محتاج شوربه او ميه كتير عشان هو بينزل ميته وتوقيت السوى بتاعه بالظبط زي مابتسوي رز مفلفل .
وبالهنا والشفا .
ممكن يتاكل بارد او سخن حسب الطلب . يلالا حشوف حد حيعرف يعمله ولا ....

» طريقة عمل محشى اللفت بالصور
» طريقة عمل محشى ورق الخس لذيييييييييذ اوى بجد
» طريقة عمل محشى ورق العنب باللحمة المفرومة
» طريقة عمل محشى ورق العنب المصرى بالصور
» طريقة عمل الكنافة البلورية